獸醫資料

katemakcc

其實大圍珍禽異獸及寵物醫院睇龜邊個醫生好d啊?

cheungwingfat

I used to consult Dr. Lim and he was quite good. Dr. Morgan also not bad.

katemakcc

我隻龜睇dr peter,好似普通,dr chris幾好人,係未dr tiger最好?

深龜

dr chris幾好

ting_h2o

隻龜肚屙,幾多$$到丫??好驚有事

深龜

原帖由 ting_h2o 於 2009-3-24 15:31 發表
隻龜肚屙,幾多$$到丫??好驚有事

要睇下醫生話龜龜咩野病,先知道價錢,基本診金好似$240,消炎針$55一支,可以碌卡.

zone

咁多位師兄/姐, 我隻盾臂龜無唔食野成幾個星期喇! 唔知咩事!em39.gif 有無邊間獸醫介紹! 有無師兄/姐知點解嗎? 養左佢成6年啦!em39.gif

[ 本帖最後由 zone 於 2009-4-1 20:42 編輯 ]

PoohPooh龜

除了大圍,仲有冇其他獸醫好?

kiu_218

where is Tai Po`??
我係大埔搵唔到有獸醫em112.gif

PoohPooh龜

有冇人試過帶龜龜去過荃灣城市睇醫生?

cto1224

你地就好喇`
有得睇醫生`

bblung

我同我有d龜友.都帶個龜龜去睇醫生....可以俾d資料大家

荃灣城市醫院
個案: 我個freind隻龜囡, 冬眠後冇胃口, 又好似唔開心...於是去睇荃灣城市個度睇...
個醫生, 冇幫佢照x-ray...就話要打一個treatment 的抗生素, 話係細菌感染...
點知打完第2支....番到home..隻龜生咗4隻蛋...第2日生咗3隻...原來隻龜有蛋所以唔食野,
但係個醫生知佢係龜囡,冇同佢check 有冇蛋..龜龜硬死咗2針..仲要抗生素一開始咗就要打哂..
結果龜龜硬食4針抗生素...em114.gif

大圍寵物醫院
可以搵 DR. TIGER / DR. MORGON PETER, 佢2個睇龜好
仲有佢地以前有個醫生叫DR.GILL (其實係老闆之一), 依家番咗去診所幫手, 佢醫龜仲勁過DR. TIGER, 可以BOOK 佢.
留意, 打親去, BOOK 呢3個醫生都話冇期..起碼要等2-3WEEKS....
建議可以,早上大約9:30AM 打去, 因為有人會CANCEL BOOKING..咁就突然有期,可以快D去睇.我試過3次都即日有期.

至於大圍寵物醫院DR. CHRIS
個案1 : 我個FRIEND 隻龜腳仔腫咗, 去睇, DR. CHRIS同隻龜照完X-RAY, 話骨有影, 菌入骨要切腳...我個FRIEND再BOOK DR. TIGER 問係咪真係要切腳....DR.TIGER一睇張X-RAY, 就叫我個FRIEND 等陣,入咗去BACK OFFICE 同DR.CHRIS 講,我個FRIEND聽到, DR. TIGER話張X-RAY 有影,係因為隻龜個陣郁...後來, DR.TIGER 話照多次, 最後隻龜係少少肌肉發炎,打咗一個TREATMENT抗生素冇事..唔駛切腳...
個案2: 我自己隻龜有事,去睇...DR.CHRIS 同DR. TIGER 建議要照內窺鏡同驗血, 因為內窺鏡要全身痳醉....但係個驗血報告出咗其實隻龜唔適合全身痳醉,因為某方面字數偏低,龜龜身體可能分解唔到痳醉藥...但DR. CHRIS冇同我講呢點,只係話風險高D..結果..我個寶貝囝,做完全身痳醉, SITUATIＯＮ好差，　３日就過咗身．．．em114.gif

所以我識得的網友，都唔會搵ＤＲ．ＣＨＲＩＳ　睇．．．我唔可以話佢唔好．．不過佢太急進

PoohPooh龜

原帖由 bblung 於 2009-4-22 14:24 發表
我同我有d龜友.都帶個龜龜去睇醫生....可以俾d資料大家

荃灣城市醫院
個案: 我個freind隻龜囡, 冬眠後冇胃口, 又好似唔開心...於是去睇荃灣城市個度睇...
個醫生, 冇幫佢照x-ray...就話要打一個treatment 的抗生素, ...

好多謝你寶貴的意見....而家Dr Tiger真係好難 book呢,只得一至五會應診,有些時候仲會唔係診所,而且某d日子係唔做手術,就算龜龜要做手術,at least都要帶龜龜返去三次,第一次係初診,第二次係帶佢做手術,第三次係帶返龜龜回家,以前我記得帶龜龜睇醫生,第一次初診 + 做手術,第二天就可帶龜龜回家...
好像我要返工的,要突登為龜龜請幾天假...

bblung

原帖由 PoohPooh龜 於 2009-4-23 11:49 發表



好多謝你寶貴的意見....而家Dr Tiger真係好難 book呢,只得一至五會應診,有些時候仲會唔係診所,而且某d日子係唔做手術,就算龜龜要做手術,at least都要帶龜龜返去三次,第一次係初診,第二次係帶佢做手術,第三次係帶 ...

唉，都冇辦法啦，為咗龜龜，我都成日用ａｎｎｕａｌ　ｌｅａｖｅ．．．

katemakcc

我隻龜龜係1月左右脫肛,帶左去睇Dr Peter,佢同我講睇龜龜個身好乾,應該係腎衰退,要安樂死,我話盡力醫佢,驗左出黎係其他問題,都唔使死,最多手尾長D,但係我等待個一晚,哭了無數次,比佢吓死,而家比Dr Chris跟,起碼好過Dr Peter.

PoohPooh龜

其實好矛盾呢,每個醫生都總有人話好同唔好,好難選擇...
在於我一個主人來說,我明白龜龜有病並不代表最後一定會醫得好
實在有很多無良的醫生,除了令主人損失金錢和時間外
亦傷了很多主人的心

我又想借這裡發表一下自己一個難過的經歷...
我多年前曾帶龜龜到大圍去看醫生,當時我剛出來工作,年紀少又冇錢
但眼見龜龜不吃不喝,好像快死了,就上網周圍search資料
當時我什麼都不懂,亦曾未帶過小動物看獸醫,從網上得知很多龜友推介大圍
我就打電話去大圍預約了,但我當時不知道要特別指明要找老虎醫生
後來龜龜被安排見一位洋人男醫生,在我之前,洋人醫生的病人是一隻大狗
洋醫生看來很疼狗狗,又關心又抱...
直到看我的龜龜,見到龜龜的病樣,便露出一副厭惡的表情 (因我的龜龜當時手腳都腫了)
他一手拿起龜龜,便鄒起眉頭說了一個字"Oh! Nasty!" (我心想,你是獸醫,再nasty的,你也應見過吧,我當時的感覺,這句話說出來,就好像有人說你的小孩很nasty一樣)
ok...我不介意他怎樣說,就當洋人醫生是一個說話直接的人,他一手拿起龜龜,看了幾看,什麼也沒有做,也不知道是什麼問題,只開了些鈣粉給我,一個星期後回來找他。
我心想,這些簡單的東西,我也知道..心想你沒有足夠知識醫龜,你應該如實道出,不是在做一些無聊的"診症",叫主人付款,再回來覆診,到最後龜龜等死.....後再我再上網search,我知道自己疏忽了,所以再打電話去,指明第二次要找老虎醫生,電話接通,是那位年紀較長的receptionist接聽,態度又是不太友善,"點解你要轉醫生?!點解你現在依家要搵Dr Tiger呢?!",可能我多心,但我的確覺得她的語氣不太友善,跟我三次到達診所時,見到她的面口一樣,也是黑口黑面,語氣倔。當時我蠢,不懂得反駁她。
ok...到最後book了老虎醫生,這個是我唯一覺得去這間診所最值得的事,老虎醫生讓龜龜留醫,後來在龜龜身上找到一些小石,她說因為龜龜有痛風,所以最後都建議我將佢PTD,我亦明白這對龜龜來說可以減少痛苦,因為它已經病得很嚴重了,而且痛風亦會令龜龜有很多痛楚,藥也無法醫治痛風,我唯有同意將龜龜PTD....
這件事令我一直都內疚,一方面心想如果我當時照顧龜龜好一點,可能可以避免龜龜受這種痛苦,如果我早點懂得找老虎醫生,可能減少龜龜痛苦,另一方面我感到憤怒,一個不懂醫龜的醫生,除了浪費了主人的金錢,時間和心血,最重要還傷了主人的心...

對不起...寫了那麼多...

隔幾年之後(現在),我又打電話到大圍幫龜龜預約看老虎醫生,今次又是那個receptionist接聽電話,第一句便問:你依家呢隻龜係咪上次睇嗰一隻?"
我心想....你們已將它PTD...又再問...你們沒有record的嗎?
幸好,你們不是一間醫院,如果我之前的龜龜是一個小孩,我相信你這樣說會重新挑起人的傷疤...

如果不是為了龜龜,為了找一位懂得醫龜的醫生(老虎醫生),我一定不會再帶龜龜到那裡。

[ 本帖最後由 PoohPooh龜 於 2009-4-23 17:16 編輯 ]

edmondok

謝謝你的分享, 的確很遺憾, 不要太自責, 好好的照顧現在的龜, 對已離開了的龜龜也總算有個交代.

這也讓我知到找對醫生是非常重要.

bblung

POOH POOH 龜．

你的經驗和我一樣，很不開心．．．．我上次阿囝出事，到依家都３個月，　一想起佢就就會哭，因為真的很難受．．．我以後都ｏｎｌｙ俾　ＤＲ．ＴＩＧＥＲ睇．．．依家同ＤＲ．ＴＩＧＥＲ一齊開診所的ＤＲ．ＧＩＬＬ都番咗去幫手，都可以搵佢．．因為ＤＲ．ＧＩＬＬ好鐘意龜，本身亦養好多龜，佢醫龜好勁．．．
上次我個ＦＲＩＥＮＤ，帶隻龜去睇ＤＲ．ＴＩＧＥＲ，隻龜成日留口水／ＲＵＮＮＩＮＧ　ＮＯＳＥ，　以為佢傷風．．剛剛ＤＲ．ＧＩＬＬ行過．．ＤＲ．ＴＩＧＥＲ叫ＤＲ．ＧＩＬＬ　一齊睇．．ＤＲ．ＧＩＬＬ　問咗２個簡單問題，就知道因為個隻係龜囝，求偶，好似人咁，話見到靚女會留口水，原來龜都係會咁．．．後來我個ＦＲＩＥＮＤ係ＨＯＭＥ觀察咗，原來係真的，隻囝一見到有囡行過，就留口水．．．

PoohPooh龜

而家Dr Gail冇在大圍了...而Dr Tiger只係mon to fri within office hour應診,想請問有冇朋友帶過龜龜去土瓜灣,灣仔同天后?

Sanflower

我隻龜龜本來一隻眼炎...病左一個月了, 我買過ZOOMED 眼藥水佢滴及浸藥粉..宜家未有好轉..反而轉差左.兩隻眼都有事..打唔開.眼腫腫.無胃口..日日訓覺. 見到佢就心痛 em114.gif em114.gif

請問.. 士瓜灣動物醫阮 .. 有無人去過??   ..好唔好架??   及收費如何??